|
2014/07/22 |
|
 Gaur goizean, Israelen aurkako boikota, zigorrak eta desinbertsioak kanpainaren alde egiten dugun gizarte ekintzaileok, Bizkaiko BDZ Nodoa osatzen dugunok deituta 60 lagun inguru elkartu gara Premier kosmetikoen enpresak Bilbon duen dendaren aurrean.
Premier kosmetikoak Hegoalden eta estatu espainarrean Premier Skin Care S.L enpresaren bitartez merkaturatzen dira. Kosmetiko hauek Dead Sea Premier empresa israeldarrak ekoizten ditu Kalya kibbutzean, Itsaso Hilaren ondoan, Israelen lurraldetik kanpo kokaturiko kolonia israeldarrean. Honenbestez, Itsaso Hileko Premier produktuak palestinarren lurraldean kokaturiko enpresa israeldar batek ekoizten ditu, bertako baliabide naturalak lapurtuz, eta nazioarteko legedia urratuz.
Dendaren aurrean lagun batek lokatzez igurtzi du bere gorputza, Israelek herri palestinarra txikitzen duen bitartean, Itsaso Hila bezalako leku turistikoetan adierazi nahi duen normaltasun irudia salatzeko.
Honez gain, Bizkaiko BDS Nodotik, bihar (uztailak 23) Bilbon, Bihotz Sakratutik hasita 19:00etan egingo den manifestazioan parte hartzeko dei egiten dugu.
|
Berriak 
