Multimedia UHintifada Uhintifada 468: «Gaur egun inork ez du ukatzen Gazan genozidio bat gertatzen ari denik, eta hori da zerrendan dauden kazetari palestinarrei esker, ahalegin handiz bada ere, hura kontatzen lortzen ari baitira»
| 2024/11/15 |
|
|
Uhintifada bueltan da uhin hertzianoetara, nahigabeko geldialdi baten ostean, ezin diogulako palestinari buruz hitz egiteari utzi. Eta aste honetako saioan Jaldia Abubakra izango dugu solaskide. Abubakra Gazako zerrendan jaioa da, 1948an Palestinari okupatutako Bir Assab herritik ihes egindako familia baten baitan. Gaur egun espainiar estatuan bizi da eta Samidoun mugimenduko eledunetako bat da. Diasporako palestinarrek osatutako talde horrek sostengua ematen die Palestinako presoei. Samidoun ilegalizatua izan da azken urteotan, besteak beste, Alemanian; eta Abubakra bera Espainiako Auzitegi Nazionalera deitu zuten pasa den astean, VOX alderdi ultraeskuindarrak jarritako salaketa bat tarteko. Bere jardunean urtebeteko genozidioaren balantzea egin du; eta balioetsi egin du Palestinako kazetarien lana; haiei esker, eta ahalegin handia egin badute ere, gertatutakoaren berri daukagulako. Bestetik, erresistentziaren zilegitasuna ere onartu du, Palestinan zein eskualdeko beste herrialdeetan ere. Halaber, salatu du nazioarte mailan elkartasun mugimendua eta berea bezalako erakundeak pairatzen ari diren errepresioa.
Astelehenero 20:00-21:00 tartean, "Uhintifada" da Hala Bedi Irratiaren eta 97.0 Irrati Librea uhin askeetako palestinarren ahotsa. Palestinari buruz eta berarekin jarduten duen programa da. Mundu mailako intifadarako gonbidapena. Adi guztiok seinalera!
Kuña jaitsi: [mp3]
TWITTER KI
IRRATI SAIOAK
VIDEO
+Video