Aste honetako atalean Al Yudur aurkeztuko dizuegu, espainiar estatuan bizi diren diasporako gazte palestinarren mugimendua. Kolektibo horren kezkak gertuagotik ezagutzeko Tarik Jald izan dugu solaskide, mugimenduko ordezkaria da Euskal Herrian. Bere jardunean azaldu digu Al Yudurren jarduera politiko aktiboa duten gazteak biltzen direla eta komunean dutela palestinar jatorrikoak izatea, zenbaitetan bigarren edo hirugarren belauniko palestinarrak direlarik. Euren sustrai palestinarrekiko loturari eusteko lan egiten dute, euren nortasunari eta ondare kultural eta historikoari eusteko. Bestalde, gazte palestinar errefuxiatu iritsi berriei ere laguntza eta babesa ematen diete. Salatu du gazte palestinarrei ukatu egin zaiela parte hartze politikorako eskubidea arlo instituzionalean, eta are gehiago diasporako palestinarrak diren horiei. Palestinako Aginteko elitea jaun eta jabe den testuinguru honetan, palestinar gazteek jarduera politikorako duten aukera bakarra ekintza zuzena da. Azaldu du Al Yudurreko militante askok Masar Badilen ere parte hartu dutela, Palestinako ibilbide alternatibo iraultzailean, eta bertan aldarrikatzen dutela komunitate palestinar osoak parte hartze politikoarako duen eskubidea, eta Palestinako askapena ibaitik itsasora. Azkenik, Al Yudur mugimenduak Euskal Herrian burutu dituen ekintzan berri eman digu.