Komite Internazionalistak

Aste honetako UHintifadaren atalean bi gai nagusi izan ditugu hizpide, ohiko prentsaren errepasoaz gain. Batetik oroimen hitoriko ariketa egin eta 1967ko Ekaineko sei egunetako gerra eta gaur egun arteko haren ondorioak aztertu ditugu. Bestetik, Alejandro Pozo, Centro de Estudios para la Paz JM. Delás erakundeko ikertzailearen "España-Israel: Relaciones en materia militar armamentista y de seguridad" izeneko txostena komentatu dugu.

Aste honetan Santiago Alba Rico izan dugu gonbidatuta UHintifadako mikrofonoetan. Garai batean La Bola de Cristal telebista saioko gidoilari lanetan ibili zenetik Santik hamaika artikulu eta liburu idatzi ditu, horietako asko mundu arabiarren inguruan, oso jantzita baitago gai horretan. Oraingo honetan Israelgo armadaren azken eraso bortitzaren ondorengo erreakzioak eta hedabideetako irakurketa ekidistantea aztertu dugu harekin, ikuspuntu kritiko batetik.

Aste honetako uhintifada irratsaioan Manuel Tapial izan dugu solaskide. Manuel Cultura, Paz y Solidaridad erakundeko kidea da eta bizirik atera zen iragan astean Israelgo armadak Askatasunaren Ontziteriaren aurka burututako erasotik. Ontziteriak Gazako setioa urratu eta laguntza humanitarioa eramatea zuen helburu. Bere bertetik bertarako testigantza jaso dugu mementu latz horietatik, ondorengo egunetako bahiketaren berri ere kontatu digu, hedabide ofizialek botatako zenbait gezur argitu ditugu, eta sarraskiaren zergatiak eta ondorioak ere aztertu ditugu. Manuelek "Cultura, Paz y Solidaridad" taldeko webgunean sartu ditu hedabide ofizialek ezkutatu dituzten odol-festa horren argazki lazgarriak.

Azken atalean, eta bapateko modu batean, Israelek burututako azken ekintza terroristaren inguruko albisteak aztertzera dedikatu dugu aste honetako uhintifada. Bertako zein nazioarteko hedabideen albisteak errepasatzeaz gain, zenbait testigantza jaso ditugu, besteak beste, Manu Tapial ekintzailearen azken hitzak; Rafael Schutz, Israelgo enbaxadorearen adierazpen lotsagarriak; Isidre Pallas, Catalunyako Palestinarekiko Elkartasun Sareko kidea eta atxilotutako ekintzaileen lagunaren testigantza; eta Lidon Soriano, Palestinarekiko Elkartasuna Sareko koordinatzailearen hitzak.