|
2014/02/19 |
|
BILBO. Elkarretaratzea: "Estatu kolpearen aurka. Venezuelako iraultzarekin elkartasuna!". Otsailak 21, ostirala 19:30etan. Arriagako Plazan.
Azken asteetan Venezuelako gobernuaren aurkako deseztabilizazio operazio baten aurrean aurkitzen gara. Beste behin ere erasotuz, herriak 1999tik hona aurrera daraman eraldaketa prozesua. Estatu golpe aurreko giro honetan, hamaika eraso bide ezagutu ditugu: sabotajeak, patronalaren elikagai eta bestelako behar izanen pilaketak, desinformazio kanpaina mediatikoak, biolentzia ekintzak... Azken batean Venezuelan jokoan dagoena , etorkizuna berdintasun eta justizian eraikitzea da, neoliberalismoaren errezetak alboratuz.
Askapenak, Zirkulu Bolivariar “La Puebla”k eta Komite Internazionalistak eraso inperialista berri hau salatu nahi dugu, hain zuzen, Venezuelako eskuinaren babesarekin, iraultza bolivartarra oztopatzea helburu duena.
Dei egiten dugu beraz, azken eraso hau salatu eta gure elkartasun internazionalista erakusteko Venezuelako herri borrokalariari, bertako herri mugimenduei eta herriak babesturiko bere gobernu legitimoari.
Honela, “golpe estatuaren aurka Venezuelako iraultzari elkartasuna” lelopean, elkarretaratze batera deitzen dugu, ostirala 21, 19:00etan Bilboko Arriaga plazan.
Gora Venezuelako iraultza bolivartarra! |
|
|
2014/02/18 |
|
 [Euskal Herria-Palestina Sarea] 6 ekintzaile inputatu eta 18000 euro isunetan; horixe da, oraingoz, Euskal Herrian Palestinarekiko elkartasun mugimenduak Tel Aviveko Maccabiren aurkako boikot ekintzengatik pairatu duen jazarpenaren emaitza. Israelgo kirol enbaxadoreak Gasteizen Baskoniaren oholtza bisitatu dituenetan egindako protesta ekintzek eragin dituzte zigor horiek.
Tel Aviveko Maccabik eskuartze zuzena dauka armada israeldarraren gerra krimenei zilegitasuna emateko kanpainian, eta horregatik azken urteotan Israelen aurkako nazioarteko Boikot, Desibertsio eta Zigorren mugimenduko helburu garrantzitsuenetakoa bilakatu da.
|
|
Gehiago irakurri
|
|
2014/01/31 |
|
 BILBO. Hitzaldia: "Gamonal auzoko borroka" Gamonaleko auzokideen Asanbladaren kideen eskutik. Otsailaren 5ean, asteazkena. 19:30etan. Zirika! herri gunea (Ronda, 12) Hurrengo asteazkenean, otsailaren 5ean, Erribera 13k, GITE-IPESek, Sare Antifaxistak y Komite Internazionalistek antolatuta Gamonal auzokideen Asanbladako kideak izango ditugu gurekin Burgoseko auzo honen borrokaren aurrekariak, oraina eta etorkizunaren berri emateko.
Duela aste batzuk Hamburgon izandako gertakariei buruz eta hiri-ereduei buruz antolatu genuen hitzaldia. Honez gain Gamonal auzoan gertatzen ari denaren lehen eskuko informazioa izatea beharrezko jotzen dugu eztabaidarako.
|
|
Gehiago irakurri
|
|
2014/01/22 |
|
Pasadan ostiralean, urtarrilak 17an, Hanburgon gertaturiko istiluak Bilbotik ulertzeko eta azaltzeko Erribera 13n "Rote Flora aurrera! Han eta hemen borroka da bide bakarra!" hitzaldia Erribera 13, Sare Antifaxista eta Komite internazioanalistak kolektiboen artean burutu geneuen, Antonio Melendez eta Andeka Larrearekin.
Hitzaldiaren audioa Irola Irratiaren eskutik:
http://www.sindominio.net/irola/spip.php?article3088
Antonio Melendezeri Berriak egindako elkarrizketa:
"Hanburgon Guggenheim efektua eragin nahi dute, eta horrek piztu du sua"
Egun hauetan berri on bat iritsi zaigu Schanzenviertel auzotik. Altonako barrutiak hirigintza proiektua aldatzea erabaki du,eta horrela, auzokideen borrokari esker, Rote Flora arriskutik kanpo geratu da.
Jarraian Lahainek honen inguruan eskegitako berria.
|
|
Gehiago irakurri
|
|
2014/01/17 |
|
LEZAMA."Igor Urrutikoetxeari omenaldia. Euskal herritik mundura" Urtarrilaren 18an, larunbata, Lezamako Frontoian 18:00etan
Igor Urrutikoetxea, LAB sindikatuko nazioarteko ordezkaria, internazionalista eta laguna, azaroak 28an hil zen Brasilen istripu larri baten ondorioz. Bihar urtarrilak 18 Lezamako frontoian 18:00etan izango gara bere lan konprometitua eta internazionalista omentzeko.
Agurrik ez Igor, orain arte bezala internazionalismoaren bide luzeari ekingo diogu, hori izango da gure omenaldirik onena!
- Komite Internazionalistak erakundearen oharra: Agur eta ohore Igor! |
|
|
|
