Komite Internazionalistak

Aste honetako atalean Igor Olabarrieta izan dugu solaskide. Igorrek EH-Palestina Sarearen kideak, mugimenduak iragan astean EAEko Legebiltzarrean egindako prentsa agerraldiaren berri eman digu. Legebiltzarrak, Eusko Jaurlaritzak eta SPRIk delegaritza bat bidali zuten Israelera abenduaren 10etik 12ra bitartean hitzarmen komertzialak sinatzeko estatu sionistako zenbait enpresarekin. Sareak, berriz, isilean bidalitako delegaritza horren aurkako salaketa eraman zuen iragan abenduaren 13an Legebiltzarrean egindako prentsaurrekora eta horretarako Aralar, EB eta EAko diputatuen babesa ere izan zuten. Bestalde, salaketa instituzionalaz aparte, kalean ere izan da Sarea Israelekiko akordio ekonomikoak salatzen. Horretaz eta Palestinarekiko elkartasun mugimenduak azken asteotan abian jarri duen Israelen ekoiztutako jostailuen kanpainaz ere solastu gara aste honetako kolaboratzailearekin.