Portada Multimedia
Multimedia
[Audio] UHintifada 307: Ana Sanchez (BNC): «BDS arrazakeriaren aurkako mugimendua da eta Nobelerako izendapenak bebe zilegitasuna sendotzen du Israelgo propagandaren aurrean» PDF Inprimatu Email
UHintifada
2018/02/21

Bi aste dira Bjørnar Moxnesek, Norbegiako Alderdi Gorriko buruzagi eta diputatuak, BDZ (Israelgo erregimenaren aurkako Boikot, Desinbertsioak eta Zigorrak) mugimenduaren hautagaitza iragarri zuela Bakearen Nobel Sarirako. Gisa horretako sari batek izan dezakeen sinesgarritasun falta alde batera utzi gabe, BDZ mugimenduarentzat bultzada mediatiko handia dakar izendatua izateak. Uhintifadaren azken atalean erabaki hori aztertu dugu Ana Sanchez Meraren eskutik. Sanchez BNCko (Palestinako Boikoterako Batzorde Nazionala) kanpainetarako koordinatzailea da. Haren esantean BDZ arrazakeriaren aurkako eta Giza Eskubideen aldeko mugimendua bada ere, bere zilegitasuna kolokan dago Israelgo presio taldeen propaganda potentearen erruz; gauzak horrela, Nobelerako izendapenak zilegitasun hori sendotzen lagunduko du. Gainera, kanpainiak 2017an bildu dituen garaipen esanguratsuenen errepasoa egin du, eta mahaigaineratu ditu betetzeke geratzen diren erronkak, kanpainaren helburuak gauzatzeko: okupazioaren amaiera eta apartheid harresia birrintzea, errefuxiatuen itzulera, eta Israelen bizi den populazio ez-juduarentzat apartheid erregimena bertan behera uztea.

 
[Audio] Uhintifada 306: «Hego Afrikako Aparheidarekin gertatu zen bezala, gaur egun ezinezkoa litzateke Palestinako okupazioa AEBetako esku hartzerik gabe» PDF Inprimatu Email
UHintifada
2018/02/15

Aste honetako atalean gogoetarako irakurketa interesgarria ekarri dugu Uhintifadako mikrofonotara. Angela Davis ekintzaile afroamerikarraren "La libertad es una batalla constante" izeneko liburutik jaso dugu uhinetara dakarkizuegun testua. Pantera Beltzak taldeko militante historikoak Mandelaren omenezko ekitaldian egin zuen honako diskurtsoa. Bere gogoetan uztartzen ditu Hego Afrikako Apartheid erregimenaren aurkako borroka eta egungo BDZ mugimendua Palestinako okupazioaren aurka. Lotura egin du, halaber, behinola Hego Afrikako erregimen baztertzailea lagundu zuten AEBetako interes ekonomikoen eta egungo Palestinako esku hartzearen artean. Gaur egun, Palestinan jazarpenaren teknologia garatzen duten enpresa berberek (errepresioa kartzeletan, check-pointak, Apartheid harresia...), G4S kasu, aldi berean, AEBetan zer ikusia daukate segurtasuna eta hezkuntza pribatizatzeko eta beltzak baztertzeko politiketan. Azpimarratu du, gainera, BDZ mugimendua ezinbestekoa dela Palestinako herriarekiko elkartasun internazionalista garatzeko. Eta Mandelaren beraren esaldi bat ekarri du gogora: gure askatasuna ez da sekula betea izango palestinarrak aske ez badira.

 
Uhintifada 305: Uharte (Nafarroa), Israelgo apartheidik gabeko herria PDF Inprimatu Email
UHintifada
2018/02/06

Aste honetako atalean Uharteko (Nafarroa) esperientzia ezagutuko dugu. Iruñerriko udalerri horretan, iragan 2017ko apirilaren 27an, Israelgo apartheid erregimenaren aurkako boikota onesteko mozioa onartu zuen udalbatzak. Mozioaren formula, baina, berritzailea izan da; izan ere; orain arte Palestinarekiko elkartasun adierazpenak onartu dituzten udal askok BDZ kanpainarekin bat egin badute ere; oraingoan, kanpainari zuzenean atxikitu barik, herritarrek Israeli boikoteatzeko duten eskubidea onartu dute. Horrela saihestu nahi izan dute, beste zenbait udalerritan gertatu den bezala, presio talde sionisten balizko salaketa bat udalaren kontra. Esperientzia horren berri izateko Jose Luis Lopez de la Torre ekintzailearekin solastu gara. Uhartearrak kontatu dizkigu elkartasun mozioa aurkezteko prozeduraren gora beherak, eta herriko mugimendu internazionalistan izan duen eragina. Gogoeta egin du, halaber, Palestinarekiko elkartasuna esparru guztietara eramateko garrantziaz, baita administrazio arlora ere.

 
[Audio] Uhintifada 304: «Alkarama elkartea emakume palestinarrak eta borrokan jokatzen duten papera ikustarazteko beharretik sortu da» PDF Inprimatu Email
UHintifada
2018/01/29

Aste honetako atalean Alkarama elkartea aurkeztu dugu Uhintifadako mikrofonootan. Erakunde sortu berria espainiar estatuko emakume palestinar feminista eta laikoen topagunea da, eta haren helburua diasporako zein Palestinako bertako emakume palestinarrak ikustaraztea da, eta emakume horiek askapenerako borrokan jokatzen duten papera balioestea. Aurkezpen lanetan Jaldia Abubakra izan dugu solaskide gure mikrofonootan. Abubakra Gazan jaiotako ekintzailea da eta gaur egun Madrilen bizi da. Besteak beste, Emakumeak Gazarako Bidean ekimenean parte hartu zuen. Bera da Alkaramako sortzaileetako bat eta bere jardunean mintzatu zaigu emakume palestinarren mugimenduko historia eta gaurkotasunaz, eta kritikatu du mendebaldeko prentsako hedabide hegemonikoek elikatu egiten dutela Israelek bultzatu nahi duen emakume palestinarren irudi estereotipatua.

 
UHintifada 303: Manu Pineda: «Nabi Saleh herrian emakumeak dira erresistentziaren protagonistak, eta horrek desmontatu egiten du Israelek ematen duen emakume palestinarren irudi esteoreotipatuta» PDF Inprimatu Email
UHintifada
2018/01/08

Ahed TamimiIragan abenduaren 20an Isaelgo armadak Ahed Tamimi 16 urteko neskatila palestinarra atxilotu zuen bere etxe atarian grabatutako bideo bat sare sozialetan zabaldu ostean. Grabaketan nerabeak zaplaztekoa eman zion okupazio armadako soldadu armatu bati. Tamimi mundu osoan egin zen ezaguna umea izanik soldadu israeldarrei esku hutsik aurre egiten zieneko irudiak zabaldu zienetik, geroztik haren familia osoa okupazio indarren jomugan dago. Nerabearen kasua ez da bakarra, izan ere, okupazio erregimenak 467 ume palestinar atxilotu ditu 2017an; baina erresistentziaren ikurra bilakatu da bere ekintzen irudien indarragatik. Afera honen eta Tamimitarren historiaren berri izateko Manu Pineda izan dugu gonbidatuta Uhintifadako mikrofonootan. Pineda Unadikum Brigadetako ekintzailea da eta Tamimitarren laguna. Bere jardunean kritikatu du mendebaldeko ikuspegi etnozentrikotik erraz enpatizatzen dugula Ahed bezalako neskatila hileoriarekin, baina, bere antzera, armada sionistaren jazarpena egunero pairatzen duten ehundaka neska-mutil daudela. Nolanahi ere, bere atxiloketaren irudiak duen indar sinbolikoagarik,Tamimiren aferak balio izan du harekiko, eta oro har ume palestinarrekiko, elkartasun mugimendua akuilatzeko mundu mailan.

 


Banner

TWITTER KI

 

UHintifada