UHintifada 321: Manal Tamimi: «Mendebaldetarrek errazago sentitzen dute enpatia Ahed Tamimirekin, hileoria delako eta buruzapirik ez duelako»
UHintifada

manal
Iragan abenduaren 19an Israelgo armadak Ahed Tamimi 16 urteko nerabe palestinarra atxilotu zuen, sare sozialetara lau haizetara zabaldu zen bideo baten ondorioz. Grabaketan neskatilak zaplaztekoa eman zion bere etxe atarian ejerzito okupatzaileko soldadu bati. Epaitegi militar batek hamabi salaketa egotzi eta zortzi hilabeteko kartzela zigorra ezarri dio tamimitar gazteari. Geroztik sei hilabete eman ditu isolatze erregimenpean, eta zenbait erakundek nerabeak itaunketetan pairatu dituen mehatxu eta jazarpen sexualak salatu dituzte. Ikasturte honetako azken irratsaioan Manal Tamimi izan dugu solaskide Uhintifadako mikrofonootan, Ahed Tamimiren izeba. Manal Tamimi Zisjordaniako Erresistentzia Ez-Bortitzerako Herri Batzordeko kidea da eta azken asteotan Euskal Herrian izan da bisitan Sodepaz eta Internazionalistak Elkarlanean erakundeek gonbidatuta. Bere jardunean azaldu digu erresistentzia ez-bortitzeko mugimenduaren ibilbidea tamimitarren herrian, Nabi Saleh-n; nabarmendu du emekumeek historikoki erresistentzia mugimendu horretan jokatu duten papera; eta erresistentzia ez-bortitzeko estrategia horretan komunikazio tresnak garatzeari eman dioten garrantzia. Bestalde, ilobaren aferaz, irakurketa kritikoa egin du. Salatu du Ahed Tamimirena ez dela kasu isolatu bat Palestinan, okupazioaren jazarpenak bereziki emakumeak eta umeak dituela jomugan, horrela komunitateari kalte moral handiagoa eragingo diotelakoan. Haren ustez, Aheden auziak hainbesteko oihartzuna lortu badu izan da hilehoria delako eta buruzapirik ez daramalako, izan ere, mendebaldetarrok errazago sentitzen baitugu enpatia europearra dirudien neskatila batekin. Nolanahi ere, Ahed Tamimien kasuak balio izan du Palestinako haurrek pairatzen duten eguneroko bortizkeria nazioarteko arretaren jomugan jartzeko.

 
Piztu Bilbo! Itzali Mtv!: Bilboko udaletxearen "Baloreen karta"-ren aurrean
Euskal Herria

[Piztu Bilbo! Itzali Mtv!] Orain dela aste batzuk Bilboko udaletxeak baloreen karta banatu zuen Bilboko buzoietan. 350.000 biztanle dituen hiri baten, 1400 pertsonek hartu zuten parte dokumentua garatzeko prozesu parte hartzailean. Honetan, Bilboko uriaren giza garapenerako estrategikoak bezala hartzen ziren 17 balore. Geroago, alkatea eta bestelako ordezkari internazionalak publikoki topatu ziren prozesuaz harrotzeko.

Gehiago irakurri
 
"Zertan da Herrialde Katalaneko prozesua? Herri sektoreetatik begirada bat" Hitzaldiak Bilbon, Donostian eta Iruñean
EH internazionalista

BILBO. Ekainaren 20an, asteazkenean, 19:30ean Zirika! herri gunean. Antolatzaileak: Aldarricatuz eta Komite Internazionalistak
DONOSTIA. Ekainaren 21ean, ostegunean, 19:00etan Guardetxean. Antolatzaileak: Oraingoan Bai! Herritarron Asanbladak eta Komite Internazionalistak
IRUÑEA. Ekainaren 22an, ostiralean, 19:30ean Zabaldin. Antolatzaileak: Zabaldi eta Komite Internazionalistak

"El primer dia d`octubre" dokumentalaren aurkezpena eta Procés-aren gora beherei eta egun Herrialde katalanetan, eta bereziki, Katalunian, bizitzen ari den egoerari buruzko bi hitzaldi antolatu ditugu. Horretarako, La Directa (eraldaketa sozialerako kazetaritza kooperatiboa) eta Erreferendumaren Defentsarako auzo eta Batzordeetako kideak gurekin izango ditugu.

 
UHintifada 319: Fakun Aznarez: «Israelekiko partida bertan behera utzi izanak Argentinan sionismoaren zilegitasuna ezbaian jartzeko balio izan du»
UHintifada

Arg.Iragan ekainaren 9an, Jerusalemen, Argentinako eta Israelgo futbol selekzioen arteko lagun arteko partida zen jokatzekoa. Azkenik, erregimen sionistarentzat propaganda ekitaldi entzutetsua izan behar zuena ezer ezean geratu zen, talde argentinarreko jokalariek uko egin ziotelako norgehiagokan parte hartzeari. Israelgo erregimenak boikot mugimenduaren mehatxu terroristen itzala ikusi nahi izan du ebazpenaren atzean, baina zenbait jokalarik adierazi dute hartu zitekeen erabakirik zuzenena hartu baino ez dutela egin. Jokalari argentinarrak bidaia bertan behera uztera bultzatu dituzten arrazoiak edozein direlarik ere, nazioarteko BDZ mugimenduak garaipentzat hartu du erregimen sionistaren legitimaziorako kirol ikuskizuna zapuztu izana. Afera aztertzeko Fakun Aznarez izan dugu solaskide Uhintifadako mikrofonootan. Aznarez Resumen Latinoamericano aldizkariko kidea da. Bere jardunean azaldu du lobby sionistak izugarrizko itzal luzea daukala Agentinan, eta tradizionalki Palestinarekiko edozein elkartasun adierazpen tabu izan dela. Nolanahi ere, munduko futbol selekzio sonatuenetako batek Israelekiko partidari planto egin izanak mahai gainean jarri du Palestinako afera, eta balio izan du ezbaian jartzeko apartheid erregimenaren zilegitasuna, eta Palestinarekiko elkartasun mugimendua aktibatzeko.

 
" Tout va bien (Todo va bien)" filmaren proiekzioa hurrengo astean Bilbon
Komite Internazionalistak

BILBO. Proiekzioa: "Tout va bien (Dena ongi dabil)". Maiatzaren 24an, osteguna, 19:00etan Zirika! herri gunea (Erronda kalea, 12)
Aurten 50 urte dira 68ko maiatz horretan Europan eta munduko beste hainbat lekutan jendea altxatu zela sistemarekiko desadostasuna aldarrikatzeko.

Hausnarketa sakonak, protestak eta mobilizazio erraldoiak bizi izan ziren persona gehienak asetzen ez zituzten sistema eta bizitza forma bat salatzeko. Debate eta hartu-eman aberats horien harira hamaika ekimen sortu ziren. Egia da, espero zuten baino gutxiago lortu zuten. Dena den, nahiz eta mundua erabat aldatu ez izan, une horretatik Aurrera gauza asko desberdin ikusten ziren.

Gehiago irakurri
 

UHintifadaUHintifada 318: Jorge (BDS País Valenciá): «Ez gara lobby sionistaren beldur, historiaren alderdi zuzenean gaudela baitakigu»
2018/06/06

Iragan astean Valentziako Udalak Israelek Gazan burututako sarraskiak salatu eta udalerria Apartheidik Gabeko Esparrua izendatzen zuen mozioa onartu zuen.  València en Comú alderdiak eraman zuen  [ ... ]


UHintifadaUHintifada 317: Barbara Demurtas: «AEBetako enbaxada Jerusalemera mugitzeko erabakiak ez du inongo balio legalik, baina zilegitasuna ematen dio Israeli hango garbiketa etnikoarekin jarraitzeko»
2018/05/30

Iragan maiatzaren 15ean 70 urte bete ziren Nakba egunetik, mugimendu sionistak Israelgo estatua alde bakarrez aldarrikatu eta herri palestinarraren garbiketa etnikoa abian jarri zuen zorigaiztoko egun [ ... ]


UHintifadaUHintifada 316: Mussa´ab Bashir: «Gazan egoera humanitarioaren indikadore guztiek hondoa jo dute, Israelgo politikengatik ezezik, PANren politikengatik ere»
2018/05/22

Aste honetako atalean gertutik jarraitu nahi izan dugu azken asteotan Israelek Gazako zerrendan burutu duen gorakada genozida. Dagoeneko 110 lagunetik gora erail eta 12.000tik gora zauritu dituzte. Eg [ ... ]


Komite Internazionalistak" Tout va bien (Todo va bien)" filmaren proiekzioa hurrengo astean Bilbon
2018/05/17

BILBO. Proiekzioa: "Tout va bien (Dena ongi dabil)". Maiatzaren 24an, osteguna, 19:00etan Zirika! herri gunea (Erronda kalea, 12)
Aurten 50 urte dira 68ko maiatz horretan Europan eta munduko beste hain [ ... ]


Herriak.org buletina

Gure aktibitate edota babesten ditugun borroken inguruko albiste eta informazioa jaso nahi baduzu, hasierako orriko fomularioa bete ezazu, “herriak.org” buletina zure helbide elektronikora helarazteko.
Agenda

Euskal Herriko zure auzo edo herrian internazionalismoaren testuinguruko aktibitate interesgarriren baten berri baduzu, gure agendaren bidez zabal dezakezu. E-mail bat bidal diezaguzu helbide honetara: kibilbo@herriak.org
Banner

TWITTER KI

 

UHintifada

Herriak.org Buletina

Gure albiste buletina jaso nahi baduzu, datu hauek bidali.

HTML onartu?

Sarean

Euskal Herria-Palestina Sarea

Topatu.info

aht gelditu!

Free Mumiaren lagunak