Komite Internazionalistak

Maiatza zehar gauzatuko diren ekimen ugari eta interesgarriak (hitzaldiak, mahai inguruak, bideo emanaldiak...) antolatu ditu Sestaoko Txirbilenea Kulturguneak zenbat eragile sozialen laguntzarekin, Ezkerraldeko lantegi desberdinetan, azken hamarkadetan pizturiko borroken gaineko oroimen kolektiboa berreskuratu asmoz. Komite Internazionalistak erakundeak jardunaldi horiek babesten ditu eta maiatzaren 21ean parte hartuko du Venezuelako langile-kontroleko esperiantziei buruzko bideoforum eta mahi-inguru baten bitartez. Ekitaldi horretan KIko bi militante egongo dira eta “5 fábricas” (Dario Azzelini, Oliver Ressler) dokumentala emango dugu. Jardunaldiak gaur bertan hasten dira, hona hemen egitarau osoa:

ESK, ELA, LAB, STEE-EILAS, EHNE, HIRU, CNT eta hainbat erakunde sozialek, Komite Internazionalistak horien artean, maiatzaren 30erako greba orokorrerako deialdia plazaratu dute eskubide sozial eta laboral duinen alde eta Euskal Herriarentzako eredu propio bat aldarrikatzeko. Honekin batera, Euskal Herrirako Eskubide Sozialen Gutunaren aldeko prozesua abian jarri dutela jakinarazi dute.

M30 greba orokorra
Urterik urte gobernu ezberdinak, hartzen ari diren erabakiekin, krisi ekonomikoan sakontzen ari dira. Konstituzio erreformek, dekretutzarrek, oinarrizko legeek, murrizketek eta erreforma ezberdinek helburu bakarra daukate: aberatsek gero eta botere eta diru gehiago eskuratzea langileen pobretze orokorraren, langabezi masibo, eskubideen galera eta zerbitzu publikoen murrizketen bitartez. Neurri hauek, gainera, era guztiz antidemokratikoaz burutzen ari dira, inposaketa erabiliz, inposaketa delako modu bakarra herritarren kontrako eraso hauek burutu ahal izateko.

BILBO. Herri mobilizazioa: “Berriro gerta ez dadin, salbuespen neurriak eten. Giza eskubideak. Irtenbidea. Bakea” Larunbatean, apirilak 6, Larunbatean, apirilak 6, La Casillatik

Herrira kolektiboak beste hainbat kolektiboen atxikimenduarekin, pasaden astean emandako gertaeren larritasuna ikusita, asteburu honetarako premiazko manifestaziora deitzea erabaki du. Komite Internazionalistak Larunbatean egingo den Salbuespen neurrien aurkako manifestazioan parte hartzera deitzen du.

“Berriro gerta ez dadin, salbuespen neurriak eten. Giza eskubideak. Irtenbidea. Bakea” lemapean azken astean eman diren gertaerak salatu nahi dira eta Frantziar eta Espainar estatuak sistemakikoki aplikatzen dituzten salbuespen neurrien desagerpena exigituko da.

Herria mugimenduak mobilizazioak ezberdinak deitu ditu Xabier Lopez Peñaren heriotza eta indarrean dagoen espetxe politikaren ondorio latzak salatzeko. Nagusiena biharkoa izango da, Bilboko manifestazio batekin. Berriro gerta ez dadin. Ez dugula heriotza eta sufrimendurik nahi, konponbidea eta bakea eraikitzeko garaia da. Zentzu horretan, espetxe politika oztopo nabaria da eta horren erakusle dira Lopez Peña eta Figueroaren heriotzak, larri gaixo dauden presoen egoera, 197/2006 doktrina, sakabanaketak eragindako istripuak edo Muret, Sevilla eta Puerto III-ko espetxetan euskal presoek pairatutako jipoiak. Bide horretan, ezinbestekoa da Xabier Lopez Peñaren kasuan gertatutakoa argitu eta indarrean dauden salbuespen neurriak etetea.

[Bilboko Branka] Polizia ereduaren inguruko hausnarketa bultzatzeko ekimenak antolatu dituzte Cabacasen heriotzaren urteurrenean
Apirilaren 9an Iñigo Cabacasen heriotzaren urteurren omenaldia egingo dute Kafe Antzokian. Auziari buruz osatu duten dokumentalaren estreinaldia egingo dute bertan. Apirilaren 10ean polizia ereduak izan ditzakeen alternatibak aztertuko ditu Cesar Manzanosek Hika Ateneoan emango duen hitzaldian eta 11n mahai ingurua izango da polizia ereduaren etorkizunaz. Ekimenari manifestazio handi batekin emango dio amaiera apirilaren 13an.

Iñigo Gogoan Herri Ekimenak deituta hainbat ekitaldi izango dira datozen egunotan Iñigo Cabacasen heriotzaren urtemugaren inguruan. Egungo polizia ereduaren inguruko hausnarketa bultzatzeko asmoz hainbat hitzordu prestatu dituzte apirilaren 9tik 13ra “Polizia ereduari xake!” lemapean.